Bir sevgi nəğməsində döndüm külə mən,
Ayrılıq küləkləri apardı məni.
Baharda həsrət qaldım qızılgülə mən,
Bu intizar sevgidən qopardı məni.

Sən bil ki, mən - səni yenə ömür boyu arzularımda hər an yaşadan sevən.
Sən bil ki, mən - səni yenə ömür boyu duyğularımda hər an düşünən sevən.

Heç kimsə anlamayıb duymadı məni,
Bu sevgi həsrətində alışan mənəm.
Ayrılıq sənə yaxın qoymadı məni,
Neynim ki, taleyimlə barışan mənəm.

Sən bil ki, mən - səni yenə ömür boyu arzularımda hər an yaşadan sevən.
Sən bil ki, mən - səni yenə ömür boyu duyğularımda hər an düşünən sevən.