Deyirsən yaşayım, deyirsən ölüm,
Lap desən ölərəm, demərəm də yox.
Sən mənim varlığım, sən mənim canım,
Mən səni sevirəm, özümdən də çox.

Bir ömür gəzmişəm qoca Təbrizi,
İndi ki, tapmışıq bir -birimizi.
Az denən gedirəm zalımın qızı,
Mən səni sevirəm özümdən də çox.

İstidə, tüstüdə, yağışda, qarda,
Şah gölü, göy məscid rastla bazarda.
Yazmışam bu sözü damda, divarda,
Mən səni sevirəm özümdən də çox.

Ax adın gələndə, qaynayır qanım,
Dünyamı dəyişdin, şirin dil xanım.
Səni Tanrım mənə pay verib canım,
Mən səni sevirəm özümdən də çox.

İndi sən olubsan, mənim mələyim,
Yoxdur səndən sonra mənim istəyim.
Sevməlisən, səni necə sevməyim,
Mən səni sevirəm özümdən də çox.